Soooradio

四強賽前夕，最新一集節目又出爐喇！今集《食住花生睇好波》同過往九集都好唔同！因為...嗚嗚嗚...節目裡面終於有女仔，終於有女仔，終於有女仔喇！重要的話講三十次都唔夠呀！平時響一些男女同場的場合，講足球都唔敢講多過三句，喂今日就唔同喇！一於拉住呢班疑似「足球絕緣體」講夠三十分鐘呀！有陪老公睇下波的「荃灣阿太」、有自己有興趣研究下足球的「將軍澳小姐」、仲有一場波都唔睇既「西環魚」(失魂魚)呀！想知佢地對世界盃有咩睇法？世界盃又點樣影響佢地生活？除左「球員顏值」佢地仲會留意世界盃D咩？記緊收聽，絕對適合任何朋友！包括有男、女朋友的你，同埋成日講「首先，我要有....」的你！